УДБЭТ-аас санаачлан 2 дахь удаагаа амжилттай зохион байгуулж буй “MONGOLIAN GRAND PRIX II” балетын тэмцээний шилдгүүд тодорч шагналаа гардан авлаа. Тэмцээнд 6-19 насны 300 гаруй бүжигчид 2 төрөл, 4-н насны ангилалд амжилттай оролцсон юм.

МОНГОЛ УЛСЫН КОНСЕРВАТОРИД БМИҮЗ-ИЙН ШИНЖЭЭЧИД АЖИЛЛАВ. Боловсролын Магадлан Итгэмжлэлийн Үндэсний Зөвлөлийн ахлах шинжээч Б.Мядагмаа, шинжээч Ц.Дэлгэрсайхан /Ph.D/, А.Болормаа /Ph.D/ нар Монгол Улсын Консерваторийн Байгууллагын магадлан итгэмжлэлийн ахиц дэвшлийн тайлантай танилцаж, зөвлөгөө өгч ажиллалаа.

Оюутан, залуучуудад оюуны өмч, зохиогчийн эрхийн тухай хууль, эрх зүйн мэдлэг ойлголтыг дээшлүүлэх, холбогдох хууль тогтоомжийг олон нийтэд сурталчлан таниулах зорилгоор соёл, урлагийн мэргэжлийн сургуулиудын дунд зохиогдсон “Дэвжээ” тэмцээн 2023.11.28-ны өдөр болж өндөрлөлөө. Тус тэмцээнд МУК-ийг төлөөлөн амжилттай оролцсон оюутнуудыг Консерваторийн захирал доктор, дэд профессор Ц.Шаравцэрэн хүлээн авч баяр хүргэлээ.

Монгол Улсын Консерваторийн БЦМС-ийн захирал, дэд профессор, МУУГЗ, Н.Оюуны удирдсан Ардын бүжгийн төгсөх ангийн 6 оюутны бүрэлдэхүүнтэй хамтлаг ОХУ-ын Чита хотод 2023 оны 10-р сарын 29-өөс 11-р сарын 04-ний хооронд зохион байгуулагдсан ОУ-ын Хүүхэд залуучуудын “ГУРАНЁНОК-2023” 15 дахь уралдаанд амжилттай оролцоод ирлээ.

ХӨГЖМИЙН ЗОХИОЛЧ Б.ШАРАВЫН НЭРЭМЖИТ МЭРГЭЖЛИЙН ДУУЧИД, ҮНДЭСНИЙ хөгжимчдийн ОУ-ЫН III УРАЛДААН-д шагналт байр эзэлсэн уран бүтээлчид МУК-ийн ҮХМС-ийн НИЙТ ОЮУТАН СУРАГЧИДТАЙ ХИЙХ НЭЭЛТТЭЙ УУЛЗАЛТ, ЯРИЛЦЛАГА БОЛОХ ТУЛ НИЙТ БАГШ, ОЮУТАН, СУРАГЧИД ТА БҮХНИЙГ УРЬЖ БАЙНА.

“ДЭЛХИЙН ХҮҮХДИЙН ӨДӨР” 2023.11.20 өдөр. Монгол дахь НҮБ-н Хүүхдийн сангийн төлөөлөгчийн газраас “ДЭЛХИЙН ХҮҮХДИЙН ӨДӨР”-т зориулан зохион байгуулсан хүндэтгэлийн тоглолт, цэнхэр хивсний ёслол 2023.11.18 өдөр болж өндөрлөлөө. Энэхүү тэмдэглэлт өдрөөр Монголын хүүхэд багачуудад зориулан тэдний ирээдүйн сайн сайхны төлөө төслүүдэд хөрөнгө босгох арга хэмжээ зохион байгуулагдсан юм.

Монгол Улсын Төрийн дээд шагнал Чингис хаан одонт, Хөдөлмөрийн баатар,Төрийн шагналт, Урлагийн гавьяат зүтгэлтэн, хөгжмийн зохиолч Бямбасүрэнгийн Шаравын нэрэмжит “МЭРГЭЖЛИЙН ДУУЧИД, ҮНДЭСНИЙ ХӨГЖИМЧДИЙН ОЛОН УЛСЫН ГУРАВДУГААР УРАЛДААН” 3 дахь удаагаа амжилттай зохион байгуулагдаж байна. Энэхүү уралдаанд 123 мэргэжлийн уран бүтээлчид авьяас чадвараа сорин оролцсоноос 3 дугаар шатад 7 хөгжимчин, 8 дуулаач шалгаран оролцлоо. Уралдааны хүндэтгэлийн тоглолт маргааш буюу 2023 оны 11 дүгээр сарын 13-ны өдрийн 19:00 цагт Улсын Дуурь Бүжгийн Эрдмийн театрт болох бөгөөд шүүгчдийн үнэлгээгээр шилдгүүдээ шалгаруулж, шагнал гардуулах үйл ажиллагаа болно.

Б.Шаравын нэрэмжит уралдаанд Дуулаачийн III шатанд оролцох уран бүтээлчиддээ баяр хүргэж амжилт хүсье. Уралдааны III шатны шалгаруулалт 2023.11.12 өдөр 11:00 цагаас Монгол улсын Консерваторийн А зааланд явагдана. 🎙Дуулаачийн уралдааны шүүгч нар уралдаанд оролцсон нийт уран бүтээлчдэд зөвлөгөө өгөх уулзалт 2023.11.12-ны 14:00 цагт Монгол улсын Консерваторийн А танхимд зохион байгуулагдах тул нийт оролцогч та бүхнийг хүрэлцэн ирэхийг урьж байна. Зохион байгуулах хороо

ХӨГЖМИЙН ЗОХИОЛЧ Б.ШАРАВЫН НЭРЭМЖИТ “МЭРГЭЖЛИЙН ДУУЧИД, ҮНДЭСНИЙ ХӨГЖИМЧДИЙН ОЛОН УЛСЫН III УРАЛДААН”-Ы 3 ДУГААР ШАТАНД ШАЛГАРСАН ҮНДЭСНИЙ ХӨГЖИМЧИД

Монгол Улсын Төрийн дээд шагнал Чингис хаан одонт, Хөдөлмөрийн баатар, Төрийн шагналт, Урлагийн гавьяат зүтгэлтэн, хөгжмийн зохиолч Бямбасүрэнгийн Шаравын нэрэмжит “МЭРГЭЖЛИЙН ДУУЧИД, ҮНДЭСНИЙ ХӨГЖИМЧДИЙН ОЛОН УЛСЫН III УРАЛДААН”-ы Үндэсний хөгжимчдийн II шатанд тэнцсэн уран бүтээлчдийн нэрс тодорлоо. Нийт уран бүтээлчиддээ амжилт хүсье.