СХМС-ийн Утсан хөгжмийн тэнхимийн сурагчдын “Viola & Violin” концерт МУ-ын Филармонид болох тул та бүхнийг урьж байна

Валторн хөгмийн мэргэжлийн ангийн тайлан тоглолтод та бүхнийг урьж байна.

Монгол бүжгийн орчин цагийн сургалтын дэгийг үндэслэгч, Монгол улсын Ардын багш, гавьяат жүжигчин, профессор Г.ДОЛГОРСҮРЭН-100 ЖИЛ Бүжгийн урлагийн нэрт мастеруудын нэгдсэн хүндэтгэлийн тоглолт 2023.12.12 өдөр 18:30 СОЁЛЫН ТӨВ ӨРГӨӨНД ганцхан удаа тоглогдох гэж байна.

Монгол Улсын Төрийн дээд шагнал Чингис хаан одонт, Хөдөлмөрийн баатар,Төрийн шагналт, Урлагийн гавьяат зүтгэлтэн, хөгжмийн зохиолч Бямбасүрэнгийн Шаравын нэрэмжит “МЭРГЭЖЛИЙН ДУУЧИД, ҮНДЭСНИЙ ХӨГЖИМЧДИЙН ОЛОН УЛСЫН ГУРАВДУГААР УРАЛДААН” 3 дахь удаагаа амжилттай зохион байгуулагдаж байна. Энэхүү уралдаанд 123 мэргэжлийн уран бүтээлчид авьяас чадвараа сорин оролцсоноос 3 дугаар шатад 7 хөгжимчин, 8 дуулаач шалгаран оролцлоо. Уралдааны хүндэтгэлийн тоглолт маргааш буюу 2023 оны 11 дүгээр сарын 13-ны өдрийн 19:00 цагт Улсын Дуурь Бүжгийн Эрдмийн театрт болох бөгөөд шүүгчдийн үнэлгээгээр шилдгүүдээ шалгаруулж, шагнал гардуулах үйл ажиллагаа болно.

МУК-ИЙН МЭРГЭЖЛИЙН ТӨГӨЛДӨР ХУУРЫН ТЭНХИМ, ЦӨӨХҮҮЛ ХӨГЖМИЙН НЭГДЭЛИЙН БАГШ, ТӨГӨЛДӨР ХУУРЧ НАМЧИНГИЙН МӨНХТУЯА ШОПЕН & МЕНДЕЛЬСОН КОНЦЕРТ. 2023 оны 11 сарын 16-нд 19:00 цагаас Улсын Филармонийн КОНЦЕРТЫН ТАНХИМД

Энэ онд тохиож буй Оросын суут хөгжмийн зохиолч С.Рахманиновын мэндэлсний 150 жилийн ойн хүрээнд түүний амьдрал уран бүтээлийг харуулсан баримтат кино, фото зургийн үзэсгэлэнг гаргаж байсан бол 2023.11.02 өдөр Монгол улсын Филармони-д С.Рахманиновын алдартай бүтээлүүд болох төгөлдөр хуур симфони найрал хөгжимд зориулан бичсэн Хоёрдугаар Концерт оп 18, Паганинийн сэдвээр бичигдсэн Рапсоди-г Монгол улсын Консерваторийн төгсөгч, ОХУ-н Москва хотын Консерваторийн төгсөгч, МУК-н төгөлдөр хуурч багш Б.Цацрал, төгөлдөр хуурч Г.Анужин нар гоцлон хөгжимдөж, Монгол улсын Консерваторийн симфони найрал хөгжим удирдаач багш Э.Мөнхбаярын удирдлагаар эгшиглүүллээ.

11 сарын цуврал концертыг Г.Оюун-Эрдэнэ багш маань удахгүй Чех улсад болох “Virtuosi per musica di pianoforte” өсвөрийн төгөлдөр хуурчдын уралдаанд явах 2 шавь болон бусад шавь нарынхаа төлөөллөөс бүрдсэн концертоор үргэлжлүүлэн хүргэх гэж байна.

Монгол улсын Консерваторийн Цохивор хөгжмийн чуулга “Найруулга 2022-2023” шинэ уран бүтээлийн тоглолтоо Улсын Филармонийн танхимд 2023.11.01-нд ганцхан удаа толилуулах гэж байна. МУК-ийн Цохивор хөгжмийн чуулгаас зохион байгуулж байгаа шинэ уран бүтээлийн тоглолт нь Тайванийн шилдэг маримба артист, профессор, хөгжмийн ухааны доктор Вэйчен Лин, “Тайпеийн иргэний симфони оркестр”- ын цохивор хөгжимчин Нэйтэн Пиаццан нарыг урин хамтран хөгжимдөж байгаагаар онцлог билээ.

Ц.Мягмарцэрэн багшийн удирдсан шилдэг залуу төгөлдөр хуурчдын “Сонгодог хэлхээ” тоглолт 2023 оны 10 сарын 24-нд болно. Сонгодог хөгжим, төгөлдөр хуурын урлагт дуртай хэн бүхнийг хүрэлцэн ирэхийг урьж байна.

2023 оны 10 сарын 2 ноос 10 ны өдрүүдэд Монгол улсын Консерваторийн Үндэсний хөгжмийн найралын анхны удирдаач, хамтлаг цөөхүүл, төрөлжсөн чуулга, найралын сургалтыг үндэслэгч Д.Дарьзавын нэрэмжит “Цэнгэлийн эгшиг” хамтлаг цөөхүүл төрөлжсөн чуулгын болон шинэ хөгжмийн бүтээлийн улсын анхдугаар уралдаан, эрдэм шинжилгээний хурал зохион байгуулагдаж өнгөрлөө. Уралдааныг МУК. Д. Дарьзав сан, гэр бүл хамтран зохион байгуулсан юм. Түүний гэр бүл, үр хүүхэд, охин МУК-ийн ахмад багш Д. Жаргал багшийн нөр их хөдөлмөр зүтгэлийн үр хүч, тусламж дэмжлэг, ивээн тэтгэгчээр ажилласаны үр дүнд энэхүү уралдаан зохион байгуулагдлаа.