МУК-ИЙН МЭРГЭЖЛИЙН ТӨГӨЛДӨР ХУУРЫН ТЭНХИМ, ЦӨӨХҮҮЛ ХӨГЖМИЙН НЭГДЭЛИЙН БАГШ, ТӨГӨЛДӨР ХУУРЧ НАМЧИНГИЙН МӨНХТУЯА ШОПЕН & МЕНДЕЛЬСОН КОНЦЕРТ. 2023 оны 11 сарын 16-нд 19:00 цагаас Улсын Филармонийн КОНЦЕРТЫН ТАНХИМД

Энэ онд тохиож буй Оросын суут хөгжмийн зохиолч С.Рахманиновын мэндэлсний 150 жилийн ойн хүрээнд түүний амьдрал уран бүтээлийг харуулсан баримтат кино, фото зургийн үзэсгэлэнг гаргаж байсан бол 2023.11.02 өдөр Монгол улсын Филармони-д С.Рахманиновын алдартай бүтээлүүд болох төгөлдөр хуур симфони найрал хөгжимд зориулан бичсэн Хоёрдугаар Концерт оп 18, Паганинийн сэдвээр бичигдсэн Рапсоди-г Монгол улсын Консерваторийн төгсөгч, ОХУ-н Москва хотын Консерваторийн төгсөгч, МУК-н төгөлдөр хуурч багш Б.Цацрал, төгөлдөр хуурч Г.Анужин нар гоцлон хөгжимдөж, Монгол улсын Консерваторийн симфони найрал хөгжим удирдаач багш Э.Мөнхбаярын удирдлагаар эгшиглүүллээ.

11 сарын цуврал концертыг Г.Оюун-Эрдэнэ багш маань удахгүй Чех улсад болох “Virtuosi per musica di pianoforte” өсвөрийн төгөлдөр хуурчдын уралдаанд явах 2 шавь болон бусад шавь нарынхаа төлөөллөөс бүрдсэн концертоор үргэлжлүүлэн хүргэх гэж байна.

Монгол улсын Консерваторийн Цохивор хөгжмийн чуулга “Найруулга 2022-2023” шинэ уран бүтээлийн тоглолтоо Улсын Филармонийн танхимд 2023.11.01-нд ганцхан удаа толилуулах гэж байна. МУК-ийн Цохивор хөгжмийн чуулгаас зохион байгуулж байгаа шинэ уран бүтээлийн тоглолт нь Тайванийн шилдэг маримба артист, профессор, хөгжмийн ухааны доктор Вэйчен Лин, “Тайпеийн иргэний симфони оркестр”- ын цохивор хөгжимчин Нэйтэн Пиаццан нарыг урин хамтран хөгжимдөж байгаагаар онцлог билээ.

Ц.Мягмарцэрэн багшийн удирдсан шилдэг залуу төгөлдөр хуурчдын “Сонгодог хэлхээ” тоглолт 2023 оны 10 сарын 24-нд болно. Сонгодог хөгжим, төгөлдөр хуурын урлагт дуртай хэн бүхнийг хүрэлцэн ирэхийг урьж байна.

2023 оны 10 сарын 2 ноос 10 ны өдрүүдэд Монгол улсын Консерваторийн Үндэсний хөгжмийн найралын анхны удирдаач, хамтлаг цөөхүүл, төрөлжсөн чуулга, найралын сургалтыг үндэслэгч Д.Дарьзавын нэрэмжит “Цэнгэлийн эгшиг” хамтлаг цөөхүүл төрөлжсөн чуулгын болон шинэ хөгжмийн бүтээлийн улсын анхдугаар уралдаан, эрдэм шинжилгээний хурал зохион байгуулагдаж өнгөрлөө. Уралдааныг МУК. Д. Дарьзав сан, гэр бүл хамтран зохион байгуулсан юм. Түүний гэр бүл, үр хүүхэд, охин МУК-ийн ахмад багш Д. Жаргал багшийн нөр их хөдөлмөр зүтгэлийн үр хүч, тусламж дэмжлэг, ивээн тэтгэгчээр ажилласаны үр дүнд энэхүү уралдаан зохион байгуулагдлаа.

Хараагүйчүүдийн эрхийг хамгаалах “Дэлхийн цагаан таягт”-ны өдрийг тохиолдуулан харааны бэрхшээлтэй хүүхдүүдэд ерөнхий боловсрол олгодог тусгай сургуулийн сурагчдад Монгол улсын Консерваторийн 12в ангийн Үндэсний хөгжим, үлээвэр хөгжим ангийн сурагчид урлагийн тоглолтоо толилуулж, хөгжмийн боловсролын талаар богино хэмжээний ярилцлага хийлээ. Монголын ирээдүй болсон тусгай сургуулийн сурагчиддаа эрүүл энх, сайн сайхан бүхнийг хүсье.

ОХУ-ын Ставрополь, Железноводск хотноо зохион байгуулагдсан “Ставрополийн хөгжмийн намар-54” Олон улсын хөгжмийн фестивальд Үндэсний хөгжмийн мэргэжлийн сургуулийн багш нарын хамтлаг амжилттай оролцлоо.

Оросын суут хөгжмийн зохиолч С.Рахманинов 150 жилийн ойн хүрээнд Монгол улсын Консерваторийн Төгөлдөр хуур хөгжмийн багш Б.Цацрал, төгсөгч Г.Анужин нарын хамтарсан тоглолтонд та бүхнийг урьж байна. Тоглолтонд Монгол улсын Консерваторийн Симфони найрал хөгжим оролцох болно.

Монгол улсын Консерваторийн ахмад багш,Үндэсний хөгжмийн найрал болон хамтлаг цөөхүүл,төрөлжсөн чуулгын сургалтыг үндэслэгч Д.Дарьзавын нэрэмжит “Цэнгэлийн эгшиг” улсын анхдугаар уралдааны Нээлт болон Эрдэм шинжилгээний хурал 2023.10.02 өдөр Концертын Б танхимд зохион байгуулагдлаа.