Япон улсын Хирошима хотноо 2023.11.24-26-нд зохион байгуулагдсан “Pacific International Ballet Competition Hiroshima-3” уралдаанд Монгол Улсын Консерваторийн БЦМС-ийн 7в ангийн 7 сурагч амжилттай оролцож Б.Учрал III байрын шагнал, А.Эрхэм тусгай байр, З.Ундрам зохион байгуулагчийн нэрэмжит шагналаар тус тус шагнуулсан амжилтаар дүүрэн ирлээ.

УДБЭТ-аас санаачлан 2 дахь удаагаа амжилттай зохион байгуулж буй “MONGOLIAN GRAND PRIX II” балетын тэмцээний шилдгүүд тодорч шагналаа гардан авлаа. Тэмцээнд 6-19 насны 300 гаруй бүжигчид 2 төрөл, 4-н насны ангилалд амжилттай оролцсон юм.

МОНГОЛ УЛСЫН КОНСЕРВАТОРИД БМИҮЗ-ИЙН ШИНЖЭЭЧИД АЖИЛЛАВ. Боловсролын Магадлан Итгэмжлэлийн Үндэсний Зөвлөлийн ахлах шинжээч Б.Мядагмаа, шинжээч Ц.Дэлгэрсайхан /Ph.D/, А.Болормаа /Ph.D/ нар Монгол Улсын Консерваторийн Байгууллагын магадлан итгэмжлэлийн ахиц дэвшлийн тайлантай танилцаж, зөвлөгөө өгч ажиллалаа.

Монгол Улсын Төрийн дээд шагнал тэргүүн зэргийн “Чингис хаан”одонт, Хөдөлмөрийн баатар, Төрийн шагналт, Урлагийн гавьяат зүтгэлтэн, хөгжмийн зохиолч Б.Шаравын нэрэмжит мэргэжлийн дуучид,үндэсний хөгжимчдийн олон улсын III уралдаан 2023.11.08-12 өдрүүдэд Монгол улсын Консерваторийн Концертын А, Б зааланд амжилттай зохион байгуулагдаж өндөрлөлөө. Уралдааны шагнал гардуулах ёслол, хүндэтгэлийн тоглолт 2023.11.13 өдөр Дуурь Бүжгийн Эрдмийн Театрт болсон юм.

ХӨГЖМИЙН ЗОХИОЛЧ Б.ШАРАВЫН НЭРЭМЖИТ “МЭРГЭЖЛИЙН ДУУЧИД, ҮНДЭСНИЙ ХӨГЖИМЧДИЙН ОЛОН УЛСЫН III УРАЛДААН”-Ы 3 ДУГААР ШАТАНД ШАЛГАРСАН ҮНДЭСНИЙ ХӨГЖИМЧИД

МУК-ИЙН МЭРГЭЖЛИЙН ТӨГӨЛДӨР ХУУРЫН ТЭНХИМ, ЦӨӨХҮҮЛ ХӨГЖМИЙН НЭГДЭЛИЙН БАГШ, ТӨГӨЛДӨР ХУУРЧ НАМЧИНГИЙН МӨНХТУЯА ШОПЕН & МЕНДЕЛЬСОН КОНЦЕРТ. 2023 оны 11 сарын 16-нд 19:00 цагаас Улсын Филармонийн КОНЦЕРТЫН ТАНХИМД

Монгол улсын Төрийн шагналт, Ардын Жүжигчин, алдарт хуурч Г.Жамъяны нэрэмжит өсвөрийн мэргэжлийн морин хуурчдын олон улсын III-р уралдааны 1-р шатны онлайн шалгаруулалт явагдаж байна.

Энэ онд тохиож буй Оросын суут хөгжмийн зохиолч С.Рахманиновын мэндэлсний 150 жилийн ойн хүрээнд түүний амьдрал уран бүтээлийг харуулсан баримтат кино, фото зургийн үзэсгэлэнг гаргаж байсан бол 2023.11.02 өдөр Монгол улсын Филармони-д С.Рахманиновын алдартай бүтээлүүд болох төгөлдөр хуур симфони найрал хөгжимд зориулан бичсэн Хоёрдугаар Концерт оп 18, Паганинийн сэдвээр бичигдсэн Рапсоди-г Монгол улсын Консерваторийн төгсөгч, ОХУ-н Москва хотын Консерваторийн төгсөгч, МУК-н төгөлдөр хуурч багш Б.Цацрал, төгөлдөр хуурч Г.Анужин нар гоцлон хөгжимдөж, Монгол улсын Консерваторийн симфони найрал хөгжим удирдаач багш Э.Мөнхбаярын удирдлагаар эгшиглүүллээ.

Их хуур хөгжимчдийн олон улсын II уралдаан 2023 оны 10 сарын 26-ноос 10 сарын 31 -ны өдрүүдэд Их хуур хөгжимчдийн олон улсын II уралдаан МУК-ийн концeртын Б танхимд амжилттай зохион байгуулагдлаа. 2019 онд Анхдугаар уралдаан зохион байгуулагдсан бөгөөд энэ энэ жил II уралдаанаа олон улсын болгон зарлаж байна.

НҮБ-ын Хүүхдийн сангийн Монгол дахь суурин төлөөлөгч Эваристе Коуасси-Комлан 2023.11.02 өдөр Монгол улсын Консерваторид зочилж хамтын ажиллагааны талаар санал бодлоо солилцлоо.