Монгол улсын Консерваторын ахмад багш, Ятга хөгжмийн мэргэжлийн анхны 16 ятга хөгжимчний нэг, Алтан гадас одонт, Монгол улсын Ардын боловсролын тэргүүний ажилтан, Монгол улсын Соёлын тэргүүний ажилтан, ардын хөгжмийн тэнхимийн болон ерөнхий эрдмийн тэнхимийн ахмад багш Даваагийн САНДАГ багшдаа хүндэтгэл үзүүлэх “САНДАГИЙН ХҮҮХДҮҮД” баярын үйл ажиллагаа 2024.09.25 өдөр Монгол улсын Консерваторын концертын Б танхимд ёслол төгөлдөр болж өндөрлөлөө.

Баярын мэдээ Испани улсад зохион байгуулагдсан “Beyond the music” олон улсын өсвөрийн хөгжимчдийн уралдаанд Морин хийл хөгжмийн мэргэжлийн боловсролын IIIа курсын оюутан Д.Зөөлөнсий амжилттай оролцож 1-р байр-Алтан медалийн эзэн боллоо.

Баярын мэдээ: ОХУ-ын Москва хотноо зохион байгуулагдсан Олон улсын циркийн жүжигчдийн “Артист” тэмцээнд Монгол улсын Консерваторын Циркийн тэнхимийн 24 дахь төгсөлтийн Н.Энхболд багштай жүжигчид Монгол улсаа төлөөлөн оролцож анхны ХҮРЭЛ ЦОМ-г хүртлээ.

Баярын мэдээ Итали улсад зохион байгуулагдсан Олон улсын “Ibla Grand Prize” 33 дахь уралдаанд Морин хийл хөгжмийн 7б ангийн сурагч Ж Нарансоёмбо Гран-При Тоp Winner шагналын эзэн болж 2025 оны 5 сард АНУ- н Карнеги Холл их танхимд уригдан тоглох боллоо.

Баярын мэдээ Итали улсад зохион байгуулагдсан Олон улсын “Ibla Grand Prize” 33 дахь уралдааны төгөлдөр хуур хөгжмийн төрөлд 2-р байр 5а анги Б. Ариана 2-р байр 12а анги Б.Хачиун 3-р байр 6а Г.Номингэрэл нар тус тус шагналыг эзэллээ.

БАЯРЫН МЭДЭЭ: Америкийн нэгдсэн улсын Чикаго хотноо зохион байгуулагдсан” Chicago international Music Competition ” хөгжмийн уралдаанд Ёочин хөгжмийн багш сурагчид амжилттай оролцоод ирлээ. Монгол улсаас анх удаа оролцож буй энэхүү уралдаанд сурагч Наранбатын Ариунхур өсвөрийн хөгжимчдийн төрөлд 1-р байр, орчин үеийн бүтээлийн шилдэг хөгжимчнөөр тус, тус шагнагдаж, Ганболдын Агиймаа шилдэг оролцогчоор шалгарлаа.

БАЯРЫН МЭДЭЭ: Монгол улсын Консерваторийн Шанз хөгжмийн багшаар 25 дахь жилдээ багшилж буй МУСТА,МУБТА М.Энхнар багшийн хөдөлмөр бүтээлийг өндрөөр үнэлж Монгол улсын ерөнхийлөгчийн зарлигаар “Хөдөлмөрийн Гавьяаны Улаан Тугийн Одон”-р шагналаа.

Баярын мэдээ: Улсын их баяр наадмийг тохиолдуулан Монгол улсын ерөнхийлөгчийн зарлигаар Монгол улсын Консерваторийн сонгодог бүжгийн тэнхимийн багш Ц.Мөнхдэлгэрийг “АЛТАН ГАДАС”одонгоор шагналаа.

Хамтын ажиллагаа: Монгол улсын Консерватори Солонгос улсын Кёнги Их Сургуулийн хооронд хамтын ажиллагааны санамж бичиг байгуулах ёслолын арга хэмжээ 2024.06.21 өдөр Монгол улсын Консерваторийн Номын өргөөнд зохион байгуулагдлаа.

МУУГЗ,дэд профессор Н.Оюун багшийн нэрэмжит “Миний тайз IV” уралдааны шүүгчээр уригдан ажилласан Монгол улсын Консерваторийн Сонгодог бүжгийн ангийн 2003 оны төгсөгч, Солонгос улсын “Элит” балет компанийг үүсгэн байгуулагч, балетын тэргүүн гоцлооч Ц.Цолмонбуд нь өөрийн нэрэмжит шагналыг дараахи сурагчдад гардуулан өглөө.