Монгол Улсын Консерваторийн БЦМС анх удаа бүжгийн нэгдсэн тайлан тоглолтоо та бүхэндээ толилуулах гэж байна. Ардын бүжгийн 49 дэх төгсөлт, Сонгодог бүжгийн шинэ мянганы 10 дахь төгсөлтийн “Арга билиг” тоглолт 2024.05.26-ны 17:00 цагт Соёлын төв өргөөнд болно. Та бүхнийг хүрэлцэн ирэхийг урьж байна.

Буриад Улсын Улан-Үд хотын П.И.Чайковскийн нэрэмжит Урлагийн Коллежийн найрал дууны тоглолт 2024 оны 5 сарын 10-ны өдрийн 13:00 цагт Хичээлийн 1-р байрны 401 тоот танхимд болох тул та бүхнийг хүрэлцэн ирэхийг урьж байна.

2024 оны 5 сарын 1-ний өдөр Ерөнхийлөгчийн Тамгын газар, Соёлын яам, БШУЯ, ШУА, Монгол Улсын Консерватори хамтран “Морин хуур-2024” эрдэм шинжилгээний хурлыг зохион байгууллаа.

“XXI ЗУУНЫ УРЛАГИЙН БОЛОВСРОЛ БА ТОГТВОРТОЙ ХӨГЖИЛ” салбар хуралдаанд Консерваторийн залуу докторант багш нарын эрдэм шинжилгээ судалгааны ажлыг нийтийн хүртээл болгох, сурталчилан түгээх, туршлага солилцох зорилгоор оролцуулж илтгэлийг амжилттай хэлэлцүүллээ.

ШИНЖЛЭХ УХААН, ТЕХНОЛОГИЙН СЭРГЭЛТ: ИХ СУРГУУЛИУДЫН ОРОЛЦОО олон улсын эрдэм шинжилгээний хурлын “СОЁЛ, УРЛАГ БА ТОГТВОРТОЙ ХӨГЖИЛ” сэдэвт салбар хуралдааныг СУИС, МУК нар Улаанбаатар зочид буудлын “Сонгинохайрхан” Сүхбаатар танхимд 2024 оны 04 сарын 24-нд амжилттай зохион байгууллаа.

Монгол улсад орчин цагийн боловсролын салбар үүсэж хөгжсөний 100 жил, анхны эрдэм шинжилгээний хурал зохион байгуулсаны 80 жилийн ойн хүрээнд зохион байгуулж буй “Шинжлэх ухаан, Технологийн сэргэлт: Их сургуулиудын оролцоо” сэдэвт олон улсын эрдэм шинжилгээний хурал 2024 оны 04 сарын 23-нд зохион байгуулагдаж, Монгол Улсын ерөнхий сайд Л.Оюун-эрдэнэ, Монгол Улсын Их Хурлын гишүүн, БШУ сайд Л.Энх-Амгалан , Япон, БНСУ, зэрэг улсын эрдэмтэд судалгааны үр дүнгээ танилцуулахаас гадна Монгол Улсын найман их дээд сургуулийн захирлуудын хэлэлцүүлэгт доктор, дэд профессор Ц.Шаравцэрэн захирал, Дэлхийн мэдлэгт хувь нэмэр оруулах залуу эрдэмтдийн хэлэлцүүлэгт  доктор, дэд профессор М.Ундраа нар амжилттай оролцлоо.

ТАЛАРХАЛ Австрид төгсөгчдийн холбоо Монгол улсын Консерватори хамтын ажиллагааны хүрээнд Мэргэжлийн урлагийн шинэ залуу үе болох Симфони найрал хөгжмийн сурагчдыг иж бүрэн тоглолтын хувцастай болголоо.

МУК-ийн ХУТ-ээс зохион байгуулсан “Монголын шинэ хөгжим-100 жил” VII уралдаан амжилттай зохион байгуулагдаж дууслаа. Уралдаанд оролцсон нийт сурагчдадаа халуун баяр хүргэе. Энэ жилийн уралдаан нь зөвхөн ахлах анги болон бакалаврын түвшний оюутан сурагчдыг хамарснаараа онцлог байлаа.

Монгол улс Австри Улсын хооронд дипломат харилцаа тогтоосны түүхт 60-н жилийн ойн хүрээнд Австрид Төгсөгчдийн Холбооноос “Австри Улсад Суралцах, Судалгаа ба Бизнес хамтран хийх боломж” сэдэвт форумыг Австрид төгсөгчдийн холбоо,Монгол улсын Консерваторийн Уран бүтээл маркетингийн алба хамтран 2024.04.26 өдөр зохион байгуулж өндөрлөлөө.

“ДЭЛХИЙН ЖАЗЗ ХӨГЖМИЙН ӨДӨР”-т зориулсан Жазз хөгжмийн ангийн уран бүтээлийн тоглолт 2024.04.29 өдөр амжилттай тоглогдож өндөрлөлөө.