МОНГОЛ УЛСАД ЗОХИОН БАЙГУУЛАГДАХ ФРИДЕРИК ШОПЕНЫ НЭРЭМЖИТ ОЛОН УЛСЫН ТӨГӨЛДӨР ХУУРЧДЫН III УРАЛДААН

 

УДИРДАМЖ

            Монгол Улсын Консерватори, Бүгд Найрамдах Польш улсаас Монгол улсад суугаа ЭСЯ хамтран Польшийн нэрт хөгжмийн зохиолч, төгөлдөр хуурч Фридерик Шопены нэрэмжит олон улсын төгөлдөр хуурчдын III уралдааныг 2021 оны 10 сарын 21-ээс 2021 оны 11 сарын 24-ны хооронд зохион байгуулна.

             Уралдаан нь Ф.Шопены бүтээлээр дамжуулан залуу хөгжимчдийн авьяас чадварыг нээх зорилготой. Уралдааны шүүгчдээр Монгол Польш болон олон улсын нэрт төгөлдөр хуурчид ажиллана.

Ерөнхий зохион байгуулагч: Монгол Улсын Консерватори

Хамтран зохион байгуулагч: Польш улсаас Монгол улсад суугаа ЭСЯ

Уралдаан нь “А” болон “В” гэсэн насны 2 ангилалтай явагдах ба ангилал бүр 2 шаттай.

“А” ангилалд 18-32 насны төгөлдөр хуурчид оролцоно.

“В” ангилалд 17 хүртэл насны өсвөрийн төгөлдөр хуурчид оролцоно.

Уралдааны I шат 2021 оны 10 сарын 20-ноос 2021 оны 10 сарын 25-ны өдрүүдэд онлайн хэлбэрээр явагдана.

Уралдааны II шат 2021 оны 11 сарын 20-ноос -23-ны өдрүүдэд Монгол улсын нийслэл Улаанбаатар хотноо Монгол Улсын Консерваторийн Концертын их танхимд болно.

Тухайн үед цар тахлын онцгой хөл хорио тогтоовол уралдааны II шат мөн онлайн хэлбэрээр явагдана.

Уралдааны шагнал гардуулах ёслол, шагналтнуудын Гала-Тоглолт 2021 оны 11 сарын 24-нд 18.00 цагаас УДБЭТ-т болно.

 

Уралдаанд оролцогчдын урын сан

17 нас хүртэлх оролцогдын “В” ангилал

I шат

  • И.С.Бах. WTC бүтээлийн I эсвэл II ботиос 1 Прелюдия ба Фуга оролцогчийн сонголтоор
  • Ф.Шопен. 1 Этюд (оп.10 №3, №6, оп 25 №7-оос бусад)
  • Ф.Шопен. 1 Ноктюрн оролцогчийн сонголтоор

II шат

  • Ф.Шопены том хэлбэрийн нэг бүтээл оролцогчийн сонголтоор (Баллад, Скерцо, Полонез, Вальс, Баркаролла, Тарантелла, Рондо, Фантазия, Вариаци)
  • Ф.Шопен. 1 Мазурка оролцогчийн сонголтоор
  • Монголын хөгжмийн зохиолчийн 1 бүтээлийг өгөгдсөн бүтээлүүдээс сонгоно.

Үүнд:

З.Хангал. Төгөлдөр хуурт зориулсан хувилбар аяз

С.Гончиг-Сумлаа Прелюдия № 1

Х.Мөнх-Ертөнц. Фуга

“А” ангилал 18-32 насны оролцогчид

I шат

  • И.С.Бах. WTC бүтээлээс 1 Прелюдия ба Фуга оролцогчийн сонголтоор
  • Ф.Шопен. 2 Этюд (оп.10 №3, №6, оп 25 №7-оос бусад)
  • Ф.Шопен. 1 Мазурка. (оп. 59 № 2 эсвэл оп. 59 №3-аас аль нэгийг нь өөрийн сонголтоор)

II шат

  • Ф.Шопен. 1 Ноктюрн оролцогчийн сонголтоор
  • Ф.Шопены том хэлбэрийн нэг бүтээл (Баллад, Скерцо, Полонез оп. 22, оп.44, оп.53, оп 61 Баркаролла, Фантазия,Соната 1-р анги эсвэл бусад ангиуд)
  • Монголын хөгжмийн зохиолчийн 1 бүтээлийг өгөгдсөн бүтээлүүдээс сонгоно.

Үүнд:

С.Сансаргэрэлтэх. Хөгжилтэй чөтгөр

Ш.Өлзийбаяр Рапсоди

Х.Мөнх-Ертөнц. Вариаци

 

Уралдааны бүртгэл

Уралдаанд оролцогч нь www.conservatory.edu.mn  вебсайтад байрлах МЭДҮҮЛГИЙН ХУУДАС-ийг 2021 оны 10 сарын 01-ээс 2021 оны 10 сарын 20-ны өдрүүдийн хооронд бөглөнө.

Бүртгэлийн хугацаа 2021 оны 10 сарын 21-ны өдөр хаагдахыг анхаарна уу?

 

Мэдүүлгийн хуудсыг бөглөхдөө доорх материалуудыг урьдчилан бэлтгэнэ. Үүнд:

  • Оролцогчийн товч намтар (100 үгээс дээшгүй)
  • Төрсний гэрчилгээ эсвэл Иргэний үнэмлэхний хуулбар
  • Уралдааны танилцуулгад хэвлэгдэх оролцогчийн 9/12 хэмжээтэй уран сайхны гэрэл зураг
  • Уралдааны I ба II шатанд тоглох урын сангийн жагсаалт
  • Уралдааны хураамж болох 50 ам.доллар төлсөн баримт /Данс өгөгдөнө/
  • Уралдаанд оролцогчийн I шатны тоглолтын бичлэгийн YouTube холбоос

Уралдаанд ирүүлэх бичлэгт тавигдах шаардлага

  • Бичлэг нь зөвхөн Ф.Шопены нэрэмжит олон улсын III уралдаанд зориулан хийгдсэн байх ба өөр уралдаанд явуулж байсан, эсвэл тоглолтын бичлэг хүлээж авахгүй
  • Бичлэгийн формат нь 1920x1080p, MP4 H.264 байх шаардлагатай
  • Бичлэгт оролцогчийн дүрс бүтэн орсон байна
  • Бичлэгт залгаас, эвлүүлэг ороогүй байх ба бүтээлүүдийн дунд бичлэг тасрахгүй үргэлжилсэн байх шаардлага тавигдана.
  • Бичлэг дээр оролцогчийн нэр, оролцож буй улс зэрэг нэмэлт тайлбар бичих шаардлагагүй
  • Уралдаанд тоглох Монголын хөгжмийн зохиолчийн бүтээлийг conservatory.edu.mn веб сайт дээрээс татан авна уу?

 

Уралдааны шагнал

 

Гран-При шагнал-1хүн/

“А” ангилал

I байр: Диплом, 3000 ам.доллар

II байр: Диплом, 2000 ам.доллар

III байр: Диплом, 1000 ам.доллар

Тусгай байр нэг орологч: Диплом, 500 ам.доллар

“В” ангилал

I байр: Диплом, 1000 ам.доллар

II байр: Диплом, 750 ам.доллар

III байр: Диплом, 500 ам.доллар

Тусгай байр нэг оролцогч: Диплом. 200 ам.доллар

Энэхүү уралдааны шагналын санг Бүгд Найрамдах Польш Улсын Гадаад хэргийн яам санхүүжүүлнэ.

Уралдааны “А”Б” ангилалаас шилдэг 1 төгөлдөр хуурчийг шалгаруулж Гран при шагнал олгоно.

Гран при шагналтныг  Бүгд Найрамдах Польш Улсад айлчлах, Ф.Шопены төрсөн гэрт уран бүтээлийн тоглолт хийх, Ф.Шопентэй холбоотой дурсгалт газруудаар аялуулах,мэргэжлийн сургалтуудад оролцох эрхийн бичгээр шагнана.(холбогдох зардлыг Ф.Шопены нэрэмжит Үндэсний Институт хариуцна)

Уралдааны шүүгчид аль нэг байрыг олгохгүй, эсвэл аль нэг байрыг оролцогчдод хуваан олгох эрхтэй. Шүүгчдийн үнэлгээ, гаргасан шийдвэр эцсийнх байх ба дахин хэлэлцэгдэхгүй.

Дэмжигч байгууллагууд:

Улсын Дуурь Бүжгийн Эрдмийн Театр

Урбанек ХХК

Бүгд Найрамдах Польш улсаас Монгол улсад суугаа өргөмжит Консул