Ардын бүжгийн тэнхимийн түүхээс: 1937 онд БНМАУ-ын Ардын сайд нарын зөвлөлийн ерөнхий сайд А.Амарын тушаалаар “Театрын дэргэдэх уран сайхны сургууль” байгуулагдсан. Тухайн үед анхны мэргэжилтэн багш нараар ЗХУ-аас бүжгийн багш Нонна Влидимировна Кузнецова урин авчирч ажилласан бөгөөд, дараа нь В.Я.Романовский бүжгийн сургалтын суурийг тавихад чухал үүрэг гүйцэтгэжээ.
Сонгодог бүжгийн жүжигчдийг бэлтгэх үйл хэрэг 1944 оны 9 сарын 1-нд 12 сурагчтайгаар эхэлсэн талаар анхны сонгодог бүжгийн багш Ц.Лувсанцэрэн дурссан байдаг.
Харин 1957 оноос тус сургуулийн бүжгийн сургалтанд эрс шинэчлэлт орж, ЗХУ-ын бүжгийн сургалтын дэг школа, хөтөлбөрөөр анхны сонгодог бүжгийн ангид 10-12 насны сурагчдийг элсүүлэн 7 жилийн сургалтын хөтөлбөрөөр сургаж эхэлсэн нь бүжгийн жүжигчдийн мэргэжлийн түвшинг дээшлүүлэх, сургалтын чанарыг сайжруулах чухал алхам болсон.
1965 онд Соёлын яаманд бүжгийн урлаг хариуцсан мэргэжилтнээр ажиллаж байсан Г.Долгорсүрэн яамны удирдлагуудад ХБДС-ийн бүжгийн ангийн сургалтанд Монгол ардын бүжгийн сургалт явуулах, багшаар нь Д.Нанжидийг томилон ажиллуулах санал тавьснаар, 1967 оноос түүний санаачилсан ажил хэрэгжиж монгол бүжгийн бие даасан сургалт эхэлсэн.
1967 онд Г.Долгорсүрэн тус сургуульд багшаар томилогдон, монгол бүжгийн сургалтын хөтөлбөрийг зохиох ажлыг эхлүүлэн, түүний дараахан томилогдон ирсэн И.Дамдин багш, концертмейстр З.хангал хамтран өнөөгийн сургалтын хөтөлбөрийн суурийг тавьсан билээ. Ийнхүү өнөөгийн Сонгодог бүжгийн болон, Монгол бүжгийн суурь тавигдсан билээ.
Оны шилдэг Уран бүтээлч “МӨНГӨН МОД” шагналтнууд
- Төрийн соёрхолт, МУУГЗ Сэвжидийн Сүхбаатар
- МУГЖ Шагдарын Одонтуяа
- МУУГЗ Даваасүрэнгийн Баярбаатар
- МУСТА Тогтоохоны Содгэрэл
- МУГЖ Чойжилсүрэнгийн Ганчимэг
- МУСТА Алтангэрэлийн Батхүү
- МУСТА Жамсрангийн Мандухай
- МУСТА Баясгалангийн Саруул
- МУСТА Отгонбаатарын Тулга
- МУГЖ Отгонтөгсийн Анужин
- МУСТА Мягмарын Бямбаа
Ардын бүжгийн тэнхимийн Олон улсын тэмцээнд гаргасан амжилтууд
